Soboslai Jerrard bilan solishtirilishi haqida fikr bildirdi

 19 MART, 2026, 16:42

«Liverpul» yarim himoyachisi Dominik Soboslai o'zining klub afsonasi Stiven Jerrard bilan solishtirilishi borasida o'z fikrlarini bildirdi.

«Bu juda yoqimli o'xshatish. Bolaligimda uning o'yinlarini tomosha qilardim, endi esa o'zim sakkizinchi raqam ostida maydonga tushyapman. Bu aql bovar qilmas tuyg'u va o'ylaymanki, bu barchamizni ilhomlantiradi. Ushbu klubda o'ynayotganimdan baxtiyorman», — deya Soboslaining so'zlarini jurnalist Fabritsio Romano keltirmoqda.

Eslatib o'tamiz, Soboslai 2023 yildan beri «Liverpul» sharafini himoya qilib kelmoqda. Joriy mavsumda 25 yoshli yarim himoyachi barcha musobaqalarda jami 42 ta o'yinda ishtirok etdi. U raqiblar darvozasini 12 bor ishg'ol qilib, o'z hisobiga sakkizta golli uzatmani yozdirib qo'ydi.