Ilyos Zeytullaev: «G'alabani shogirdlarimga bag'ishlayman!»

 19 MART, 2026, 06:36

Superliganing 4-turidan o'rin olgan «Xorazm» – «Bunyodkor» (1:2) uchrashuvidan so'ng "qaldirg'ochlar" bosh murabbiyi Ilyos Zeytullaev o'z fikrlari bilan o'rtoqlashdi.

-  Mehmondo'stlik, ayniqsa bugungi ajoyib atmosfera uchun minnatdorchilik bildiraman. Futbolchilar bunday atmosferada to'p tepishi yoqimli va albatta qo'shimcha kuch bag'ishlaydi. Birinchi bo'limni juda yaxshi o'tkazdik. Tanaffusdan keyin esa «Xorazm» ustunlik qila boshladi. Bu tabiiy, boisi, mezbonlar jiddiy raqib. Yigitlarga minnatdorchilik bildiraman, ular deyarli har o'yinda jasorat ko'rsatmoqda.

O'tgan mavsum bilan solishtirganda, biroz o'zgarish qildik. Uslubimiz o'zgardi. Yangi uslubdagi vazifalar yaxshi bajarilmoqda. Bunday o'yinimizga yigitlar sababchi. Ular o'yinni o'qishmoqda. Shu sababli g'alabani futbolchilarimga bag'ishlayman.