Keyn EChLdagi 50-golini urish uchun Messi bilan bir xil miqdorda o'yin o'tkazdi

 19 MART, 2026, 05:36

«Bavariya» hujumchisi Xarri Keyn Chempionlar ligasidagi bitta ko'rsatkich bo'yicha Lionel Messiga etib oldi.

Ingliz forvardi 1/8 final doirasida «Atalanta»ga qarshi kechgan bahsda (4:1) dublni rasmiylashtirib, turnirdagi 49 va 50-gollarini kiritdi.

Keyn 50 ta gol dovonini zabt etishi uchun 66 ta o'yin kifoya qildi — Lionel Messi ham xuddi shunday natija qayd etgan edi.

Ulardan faqat Rud van Nistelroy (62 ta o'yin) va Erling Xoland (49 ta o'yin) o'zib ketishgan, xolos.