Saloh EChLda 50 ta gol urgan ilk afrikalik futbolchiga aylandi

 19 MART, 2026, 05:12

«Liverpul» hujumchisi Muhammad Saloh Chempionlar ligasi 1/8 finali doirasida «Galatasaroy»ga qarshi kechgan javob uchrashuvida (4:0) gol urdi. 33 yoshli misrlik futbolchi uchun ushbu gol faoliyati davomida turnirdagi 50-si bo'ldi.

U mazkur dovonni zabt etgan ilk afrikalik futbolchiga aylandi. Chempionlar ligasida 50 ta gol urish uchun unga 97 ta o'yin kerak bo'ldi.

Dastlabki bahsda «Galatasaroy» 1:0 hisobida g'alaba qozongan edi. Shu tariqa, ikki o'yin natijasiga ko'ra «Liverpul» Chempionlar ligasining chorak finaliga yo'l oldi va u erda «PSJ» bilan to'qnashadigan bo'ldi.