Lautaro sobiq jamoasiga qaytish orzusi haqida gapirdi

 18 MART, 2026, 22:18

«Inter» hujumchisi Lautaro Martines o'z kelajagi borasidagi fikrlari bilan o'rtoqlashdi.

«Inter» bilan yana uch yillik shartnomam bor va men bu erda juda baxtliman. Lekin kelajakda hech bo'lmaganda bir mavsumga «Rasing»ga qaytishni istardim. Bu qachon amalga oshishini bilmayman, ammo farzandlarim «Rasing» muxlislari menga bo'lgan mehrini o'z ko'zlari bilan ko'rishini xohlayman», — dedi Lautaro Racing Radioga bergan intervyusida.

Lautaro Martines — «Rasing» klubi tarbiyalanuvchisi hisoblanadi. U 2018 yilda 25 million evro evaziga «Inter»ga o'tgan edi. Uning milanliklar bilan amaldagi shartnomasi 2029 yilning 30 iyuniga qadar mo'ljallangan. Joriy mavsumda forvard «Inter» safida barcha turnirlarda 35 ta o'yinda maydonga tushib, 18 ta gol urdi va 4 ta golli uzatmani amalga oshirdi.