"Galatasaroy" yulduzi: "Maqsadimiz — chorak final"

 18 MART, 2026, 14:36

"Galatasaroy" va "Liverpul" o'rtasidagi Chempionlar ligasining o'tgan bahsida eng yaxshi o'yinchi deb topilgan Mario Lemina musobaqaning 1/8 final javob uchrashuvi arafasidagi matbuot anjumanida ishtirok etdi. Dastlabki o'yinda Turkiya klubi 1:0 hisobida g'alaba qozongan edi.

"Biz xuddi avvalgi uchrashuvimizdagi kabi [sentyabr oyida umumiy bosqich doirasida] g'alaba uchun kurashishni istagan edik. Buni uddaladik ham, lekin oldinda hali "Enfild"dagi o'yin bor. U erda ham g'alaba qozonishni va chorak finalga chiqishni istaymiz", — deya futbolchining so'zlarini keltiradi UEFA rasmiy sayti.