Vinisius «Siti» muxlislari ustidan kuldi (foto)

 18 MART, 2026, 02:00

Vinisius «Manchester Siti»ga qarshi Chempionlar ligasi 1/8 finali javob uchrashuvining 1-bo'limida penaltini aniq amalga oshirdi (1:1, tanaffus).

Golni nishonlash paytida «Real» vingeri burchak bayroqchasiga suyanib oldi va mezbon jamoa muxlislariga turli ishoralar ko'rsatdi. Bundan tashqari, braziliyalik futbolchi mushtlari bilan ko'z yoshlarini artayotgandek harakat qildi.

Bir yil avval «shaharliklar» muxlislari Rodri va uning «Oltin to'pi» tasvirlangan, shuningdek, «Achchiq ko'z yosh to'kishni bas qil» degan yozuvli bannerni ilib qo'yishgan edi. 2024 yilda ispaniyalik futbolchi ushbu sovrin uchun kurashda Vinisiusni ortda qoldirgandi.