Rodri «Manchester Siti»dan ketish haqida gapirdi

 17 MART, 2026, 23:06

«Manchester Siti» yarim himoyachisi Rodri muntazam ravishda transfer yangiliklari qahramoniga aylanmoqda. Mish-mishlarga ko'ra, shu yozda «Oltin to'p» sohibi «Real»ga yo'l olishi mumkin. Rodri o'z kelajagi mavzusidagi savolga javob qaytardi.

«Manchester Siti»ni ehtimoliy tark etishim haqidami? Bu savolga javob bermoqchi emasman. Hozir bor e'tiborni jamoamga, ancha tig'iz o'tayotgan joriy mavsumga qaratish vaqti. Keyin nima bo'lishini esa ko'ramiz», — deya Rodrining so'zlarini keltiradi The Touchline.

Iyun oyida Rodri 30 yoshini qarshi oladi. Amaldagi shartnoma yarim himoyachini «Manchester Siti» bilan 2027 yilning o'rtalarigacha bog'lab turadi. Nufuzli Transfermarkt portali mutaxassislari Rodrini 65 million evroga baholamoqdalar.