Xabi Alonso "Liverpul"ni qabul qilib olishga tayyor: Uchta asosiy transfer nishoni ma'lum

 17 MART, 2026, 23:00

Mish-mishlarga ko'ra, shu yozda Xabi Alonso "Liverpul" boshqaruvini qo'lga olishi mumkin. Ayni damda ispaniyalik mutaxassis erkin agent maqomida — u yanvar oyida "Real"dan bo'shatilgan edi.

TEAMtalk nashrining xabar berishicha, Alonso allaqachon "Enfild"da ishlashga tayyorgarlik ko'rmoqda. Mutaxassis jamoadagi muammoli pozitsiyalarni aniqlab olgan va tarkibda ko'rishni istagan uchta futbolchini tanlagan.

Manbaga ko'ra, Alonso "Liverpul" rahbariyatidan himoyachi Alessandro Bastoni ("Inter"), yarim himoyachi Adam Uorton ("Kristal Pelas") va hujumchi Bredli Barkolani ("PSJ") sotib olishni so'ragan.

Transfer bozoridagi narxlarga to'xtaladigan bo'lsak: 23 yoshli Barkola Transfermarkt portali tomonidan 70 million evroga, 26 yoshli Bastoni 80 million evroga, 22 yoshli Uorton esa 60 million evroga baholanmoqda.