ChatGPT ispan klublarining EChL 1/8 finali javob o'yinlari natijalarini taxmin qildi

 17 MART, 2026, 17:06

Marca nashrining so'roviga ko'ra, ChatGPT sun'iy intellekt boti Ispaniyaning top-klublari ishtirokidagi Chempionlar Ligasi o'yinlari uchun hisobni prognoz qildi.

SI (sun'iy intellekt) hisob-kitoblariga ko'ra, Madridning "Real" klubi "Manchester Siti"ga 1:2 hisobida imkoniyatni boy beradi. Ammo shunda ham "qaymoqranglilar" keyingi bosqichga yo'l olishadi, chunki dastlabki bahsda "shaharliklar"ni 3:0 hisobida mag'lub etishgan.

"Tottenxem" va "Atletiko" o'rtasidagi o'yinda 2:2 hisobidagi sermahsul durang kutilmoqda. Bu natija birinchi uchrashuvda ishonchli g'alabaga (5:2) erishgan "matraschilar"ni to'liq qanoatlantiradi.

"Barselona"ga esa "Nyukasl" ustidan 2:1 hisobidagi g'alaba prognoz qilinmoqda. Jamoalar o'rtasidagi dastlabki bahsda 1:1 hisobidagi durang qayd etilgan edi.