«PSJ» prezidenti Londonga etib keldi

 17 MART, 2026, 14:00

«PSJ» prezidenti Nasser Al-Helayfiy Chempionlar Ligasi 1/8 finali doirasidagi «Chelsi»ga qarshi javob uchrashuviga tashrif buyurishi mumkin bo'ldi.

Eslatib o'tamiz, Parij klubi rahbari frantsuzlarning 5:2 hisobidagi g'alabasi bilan yakunlangan dastlabki uchrashuvda ishtirok etmagan edi. U Yaqin Sharqdagi mojarolar tufayli Qatarda qolishga majbur bo'lgandi.

L’Equipe nashrining yozishicha, yakshanba kuni ertalab Al-Helayfiy Finalissima bahsini o'tkazish bo'yicha shoshilinch yig'ilish uchun Londonga uchib keldi. Yakunda Ispaniya va Argentina terma jamoalari o'rtasidagi uchrashuv bekor qilindi.

«Chelsi» va «PSJ» o'rtasidagi javob o'yini bugun, 17 mart kuni Londonda bo'lib o'tadi va Toshkent vaqti bilan tungi soat 01:00 da boshlanadi.