Ryudiger Xolandni to'xtatish sirini aytdi

 17 MART, 2026, 13:18

«Real» himoyachisi Antonio Ryudiger matbuot anjumanida «Manchester Siti» hujumchisi Erling Xolandni qanday qilib to'xtatayotgani haqidagi savolga javob berdi.

«Men statistika haqida juda ko'p o'ylamayman. Unga katta ahamiyat bermayman — bular shunchaki raqamlar. Umumiy bosqichdagi o'yinda (Chempionlar Ligasi guruh bosqichi nazarda tutilmoqda) Xoland mendan yaxshiroq harakat qilgan edi... Menga bunday kuchli hujumchilarga qarshi o'ynash yoqadi. Bunday duellardan zavq olaman. Ammo himoyada men yolg'iz emasman. Din Xyoysen ham o'tgan o'yinda ajoyib harakat qildi. Javob uchrashuvini intizorlik bilan kutyapman», — dedi Ryudiger matbuot anjumanida.