"Real" yulduzi jamoadagi holatidan noroziligini bildirdi

 16 MART, 2026, 16:18

Madridning "Real" klubi yarim himoyachisi Eduardo Kamavinga o'yin vaqtining qisqarib borayotganidan norozi. Bu haqda The Touchline nashri xabar bermoqda.

Manba bergan ma'lumotlarga ko'ra, frantsuz xavbeki jamoada muhimroq rol o'ynashni istaydi. Biroq, avvalroq Kamavinga "Real"da "daxlsiz" futbolchi emasligi, shu sababli "qaymoqranglilar" munosib taklif tushsa, uni istalgan vaqtda qo'yib yuborishi mumkinligi ta'kidlangan edi.

Joriy mavsumda 23 yoshli Kamavinga barcha musobaqalarda 32 ta o'yinda ishtirok etdi, 2 ta gol urdi va o'z hisobiga bitta golli uzatmani yozdirib qo'ydi.

Transfermarkt portali mutaxassislari yarim himoyachining transfer qiymatini 50 million evroga baholashmoqda.