Soboslai muxlislarga murojaat qildi

 16 MART, 2026, 14:00

«Liverpul» yarim himoyachisi Dominik Soboslai «Tottenxem» bilan o'yindagi ochko yo'qotilishiga muxlislarning ko'rsatgan reaktsiyasi haqida gapirdi.

Angliya Premer-ligasining 30-turida mersisaydliklar 90-daqiqada gol o'tkazib yuborishdi va o'z maydonlarida «shporlar» bilan durang o'ynashdi (1:1).

«Men muxlislarning hushtagini eshitmadim, lekin buni tushunishimiz mumkin. Biz o'zimiz o'ynashimiz kerak bo'lgan darajada o'ynamayapmiz. Ammo... bu qiyin damlarda bizni qo'llab-quvvatlang. Biz jipslashishimiz va klub uchun kurashishimiz kerak», — deya jurnalist Fabritsio Romano Soboslaining so'zlarini keltirmoqda.