Richard Torres ishtirokidagi IBF Eliminator jangi qoldirildi
16 MART, 2026, 09:16
The Ring nashrining xabar berishicha, Frenk Sanches va Richard Torres o'rtasidagi og'ir vazn toifasida IBF kamari uchun saralash jangi boshqa muddatga qoldirildi.Bellashuv 28 mart kuni Las-Vegasda bo'lib o'tishi kerak edi.
Nashr xabariga ko'ra, jang shu yilning may oyiga ko'chiriladi. 33 yoshli kubalik Sanches tizzasidagi jarrohlik amaliyoti tufayli bir necha hafta davomida mashg'ulotlarda qatnasha olmaydi.
IBF Eliminator jangi g'olibi Aleksandr Usik egalik qilayotgan chempionlik kamari uchun majburiy davogarga aylanadi.
Eslatib o'tamiz, Richard havaskor boksda hamyurtimiz Bahodir Jalolov bilan ikki marotaba to'qnash kelib, har ikkisida mag'lubiyatga uchragan.
Manba: olamsport.com
