A seriya. «Milan» safarda «Latsio»ga mag'lub bo'ldi (videosharh)

 16 MART, 2026, 07:00

Italiya A seriyasi 29-turidan o'rin olgan «Latsio» — «Milan» uchrashuvi yakunlandi. Bellashuv Rim shahridagi «Olimpiko» stadionida bo'lib o'tdi.

Uchrashuvdagi yagona golni «Latsio» hujumchisi Gustav Isaksen kiritdi. U birinchi bo'limning 26-daqiqasida raqib darvozasini ishg'ol qildi.

29 turdan keyin «Latsio» 40 ochko jamg'arib, turnir jadvalida 9-o'rinni egallab turibdi. «Milan» esa 60 ochko bilan Seriya A jadvalida ikkinchi pog'onada joylashgan.

Keyingi turda rimliklar 22 mart kuni «Bolonya»ga qarshi maydonga tushadi. «Milan» esa 21 mart kuni «Torino» bilan kuch sinashadi.

Italiya A seriyasi, 29-tur
«Latsio» — «Milan» — 1:0
Gol: Isaksen 26.

Manba: stadion.uz