Rafinya «Barsa» libosidagi navbatdagi xet-trigini qayd etdi

 15 MART, 2026, 23:24

Rafinya «Barselona» libosidagi uchinchi xet-trigini qayd etdi.

Braziliyalik futbolchi La Liga 28-turi doirasida kechgan «Sevilya»ga qarshi o'yinda (5:2) uch bor raqib darvozasini ishg'ol qildi — gollarning ikkitasi penaltidan kiritildi.

Rafinya «Barsa» safidagi ilk xet-trigini 2024 yilning avgust oyida «Valyadolid»ga qarshi o'yinda (7:0) rasmiylashtirgan edi. Ikkinchisini esa o'sha yilning oktyabr oyida «Bavariya»ga qarshi kechgan bahsda (4:1) amalga oshirgan.