Opta superkompyuteri «Siti»ning chempionligiga ishonmayapti

 15 MART, 2026, 12:00

Angliya chempionatining 30-turi doirasida «Vest Xem» bilan o'yinda yo'l qo'yilgan xatodan so'ng, «Manchester Siti» joriy mavsumda to'rtinchi bor peshqadamdan 9 ochkoga ortda qolmoqda. Eslatib o'tamiz, «shaharliklar»ning «bolg'achilar» bilan bahsi 1:1 hisobidagi durang bilan yakunlandi.

Opta statistik portali e'lon qilgan ma'lumotlarga ko'ra, APL tarixida 30 va undan ortiq turdan keyin peshqadamdan 9 ochkodan ko'proq ortda qolib, yakunda chempionlikni qo'lga kiritgan yagona jamoa — bu 2013-14 yilgi mavsumdagi «Manchester Siti»ning o'zidir.

Ketma-ket qayd etilgan ikkinchi durangdan so'ng, Opta superkompyuteri «Siti»ning chempionatdagi g'alaba imkoniyatini bor-yo'g'i 2,43 % ga baholamoqda.