SPL. «Al-Hilol» «Al-Fateh» maydonida muhim 3 ochkoni qo'lga kiritdi (Videosharh)

 15 MART, 2026, 07:34

Saudiya Pro-ligasining 26-turidan o'rin olgan «Al-Fateh» va «Al-Hilol» klublari o'rtasidagi uchrashuv yakunlandi. Jamoalar «Al-Fateh Club Stadium» (Al-Hufuf, Saudiya Arabistoni) stadionida bahs olib borishdi. O'yin mehmonlarning 1:0 hisobidagi g'alabasi bilan yakunlandi.

Uchrashuvdagi yagona golni Sergey Milinkovich-Savich kiritdi. «Al-Hilol»ning serbiyalik yarim himoyachisi ikkinchi bo'lim boshida, 49-daqiqada o'z ismini tabloga yozdirib qo'ydi.

Shu tariqa, «Al-Hilol» 26 ta o'yindan so'ng 64 ochko jamg'arib, turnir jadvalida ikkinchi o'rinni egallab turibdi. «Al-Fateh» esa 28 ochko bilan 13-pog'onada bormoqda.

Navbatdagi turda «Al-Hilol» «At-Taavun» bilan kuch sinashadi (4 aprel), «Al-Fateh» esa «Al-Oxdud» jamoasi bilan to'qnash keladi (5 aprel).

Manba: stadion.uz