Tuxel «Chelsi» — «Nyukasl» o'yiniga tashrif buyurdi

 14 MART, 2026, 23:24

Shanba oqshomida Angliya Premer-ligasi doirasida «Chelsi» va «Nyukasl» jamoalari o'rtasida o'yin bo'lib o'tmoqda. Stadionda Angliya terma jamoasi bosh murabbiyi Tomas Tuxel ko'rinish berdi. Ko'rinib turibdiki, germaniyalik mutaxassis milliy jamoaga nomzodlarni ko'zdan kechirish uchun «Stemford Brij»ga tashrif buyurgan.

Mart oyida Angliya terma jamoasi Urugvay va Yaponiyaga qarshi o'rtoqlik uchrashuvlarini o'tkazadi. Yozda bo'lib o'tadigan jahon chempionatining guruh bosqichida esa «uch sherlar»ga Xorvatiya, Gana va Panama terma jamoalari raqiblik qiladi.

Eslatib o'tamiz, 2021-2022 yillarda Tomas Tuxel «Chelsi» klubi bosh murabbiyi sifatida faoliyat yuritgan.