"Barselona" Vlaxovich transferi bo'yicha qaror qabul qildi

 14 MART, 2026, 14:00

«Yuventus» hujumchisi Dushan Vlaxovich kelayotgan yozda «Barselona»ga o'tmaydi.

«Ko'k-anorranglilar» serbiyalik futbolchini erkin agent sifatida o'z saflariga qo'shib olish imkoniyatini ko'rib chiqayotgan edi, biroq so'nggi vaqtda vaziyat o'zgardi. La Gazzetta dello Sport nashrining xabariga ko'ra, Kataloniya klubi 26 yoshli futbolchi nomzodidan voz kechishga qaror qilgan. Katta ehtimol bilan, hujumchi hech qaerga ketmaydi — u «Yuventus» bilan shartnomasini uzaytirishga yaqin turibdi.

Dushan Vlaxovich Robert Levandovskining vorisi bo'lishi mumkin bo'lgan nomzodlardan biri sifatida ko'rilayotgan edi. Polyakning «Barsa» bilan amaldagi kelishuvi ham shu yozda nihoyasiga etadi.