Rakitich "Milan"ning Skudetto uchun imkoniyatlarini baholadi

 14 MART, 2026, 12:24

Xorvatiyalik sobiq futbolchi Ivan Rakitich "Milan" jamoasi "Inter"ga etib olib, A Seriyada g'olib chiqishi mumkinmi, degan savolga javob berdi.

Massimiliano Allegri jamoasi yaqinda bo'lib o'tgan derbida "neradzurrilar"ni mag'lub etib (1:0), turnir jadvalidagi farqni etti ochkogacha qisqartirdi va intrigani qaytardi. Oldinda yana o'nta tur bor.

"Shubhasiz, ajoyib mavsumni o'tkazayotgan "Inter"ga etib olish "Milan" uchun juda qiyin bo'ladi. "Milan" o'z kuchiga ishonishi va Modrichga ishonishda davom etishi kerak. Agar imkoniyat tug'ilsa, ular bundan albatta foydalanishadi", – deya Rakitichning so'zlarini keltiradi Milan Posts.

Yakshanba kuni "rossonerilar" safarda "Latsio"ga qarshi maydonga tushadi.