Manba: "Atletiko" katta transfer bo'yicha kelishuvga erishdi

 12 MART, 2026, 16:12

«Tottenxem» hujumchisi Muhammad Kudus faoliyatini «Atletiko»da davom ettirishi mumkin.

Topskills Sports UK nashrining ma'lumotlariga ko'ra, hujumchi Madrid klubi bilan 4,5 yillik shartnoma borasida yashirincha og'zaki kelishuvga erishgan. Agar «Tottenxem» joriy mavsum yakunida Angliya Premer-ligasini tark etsa, «Atletiko» rahbariyati ganalik futbolchini shu yozda qo'lga kiritishiga to'la ishonmoqda. Kudusning o'zi ham «matraschilar» lageriga o'tishga qiziqish bildirmoqda.

Muhammad 2025 yilda «Vest Xem»dan «Tottenxem»ga 63 million evro evaziga o'tgan edi. Uning londonliklar bilan shartnomasi 2031 yilning 30 iyuniga qadar mo'ljallangan. Joriy mavsumda hujumchi «shporlar» safida barcha turnirlarda 26 ta o'yinda maydonga tushib, 3 ta gol va 6 ta golli uzatmani amalga oshirdi.