«Barselona» Xulian Alvares uchun qancha to'lashga tayyorligi ma'lum

 12 MART, 2026, 12:18

Madridning «Atletiko» klubi hujumchisi Xulian Alvares kelayotgan yozda «Barselona»ga ko'chib o'tishi mumkin.

Argentinalik futbolchi yozgi transfer oynasida hujum chizig'ini kuchaytirishni rejalashtirayotgan «ko'k-anorranglilar» e'tiborida qolmoqda. Jurnalist Fernando Poloning ma'lumotlariga ko'ra, asosiy muammo hujumchining narxi bo'lib turibdi: «Barselona» bonuslar bilan birgalikda 100 million evrodan ortiq mablag' taklif qilishga tayyor emas. «Matraschilar»ni bunday shartlar qanoatlantirishi amrimahol, demak, futbolchining o'zi kataloniyaliklar safiga o'tish uchun faol tarzda talab qo'yishiga to'g'ri kelishi mumkin.

Transfermarkt portali Xulian Alvaresning qiymatini aynan 100 million evroga baholamoqda. Yanvar oyi oxirida «Atletiko» hujum etakchisi 26 yoshni qarshi oldi.