Xoland «Real» bilan o'yinda «yo'qolib qoldi»

 12 MART, 2026, 03:30

Erling Xoland «Real»ga qarshi kechgan bahsda hujum harakatlarida muvaffaqiyat qozona olmadi. Chempionlar ligasi 1/8 finalining ilk uchrashuvida «Manchester Siti» madridliklarga 0:3 hisobida imkoniyatni boy berdi.

Norvegiyalik hujumchi maydonda 82 daqiqa harakat qildi, shundan so'ng uning o'rniga Omar Marmush tushdi. Xoland raqib darvozasiga birorta ham zarba yo'llamadi va o'yin davomida jami 10 marta to'pga tegdi.

Uning hisobida 7 ta uzatma mavjud bo'lib, ulardan faqat 3 tasi aniq chiqdi, xavfli uzatmalar esa umuman qayd etilmadi. Shuningdek, Erling 48-daqiqada burchak to'pi vaqtida «qaymoqranglilar» darvozaboni Tibo Kurtuani to'sib qolgani uchun folga sababchi bo'ldi.