"PSJ" prezidenti Qatarda qoldi. "Chelsi" bilan bahs oldidan u Luis Enrike va Luish Kampush bilan bog'landi

 11 MART, 2026, 22:48

"PSJ" prezidenti Nasser al-Xelayfiy Chempionlar Ligasi doirasidagi "Chelsi"ga qarshi o'yinda ishtirok etmaydi. Jurnalist Fabris Xokinsning xabar berishicha, al-Xelayfiy mintaqadagi vaziyat tufayli Qatarda qolishga qaror qilgan. Shu bilan birga, Parij klubi rahbari bosh murabbiy Luis Enrike va sport maslahatchisi Luish Kampush bilan suhbatlashgan.

Ma'lumki, mintaqadagi harbiy harakatlar Qatarga ham o'z ta'sirini o'tkazdi. Bu to'qnashuvlar AQShning Eronga qarshi harbiy operatsiyasi boshlanganidan keyin yuzaga keldi.

"PSJ" va "Chelsi" jamoalari o'rtasidagi Chempionlar Ligasi 1/8 finalining dastlabki o'yini Toshkent vaqti bilan soat 01:00 da boshlanadi.