"Arsenal" hujumchisi "Bayer"ga qarshi o'yin oldidan o'z hissiyotlari bilan o'rtoqlashdi

 11 MART, 2026, 20:42

Londonning "Arsenal" klubi hujumchisi, o'z vaqtida "Bayer" sharafini himoya qilgan Kay Xaverts Chempionlar Ligasi 1/8 finali doirasida sobiq jamoasiga qarshi kechadigan o'yin oldidan o'z kutilmalari bilan o'rtoqlashdi.

Uchrashuv bugun, 11 mart kuni bo'lib o'tadi. Bahs Toshkent vaqti bilan soat 22:45 da boshlanadi.

"Yana bu erda bo'lish juda yoqimli. Men bu erda 10 yil o'ynaganman. Ammo hozir "Arsenal" bilan g'alaba qozonish uchun kelganman. Oilam tribunalarda meni qo'llab-quvvatlab turadi", — deya hujumchining so'zlarini keltiradi UEFA rasmiy sayti.

Eslatib o'tamiz, Chempionlar Ligasining umumiy bosqichida "kanonirlar" birinchi o'rinni egallashgan edi. Leverkuzen klubi esa 16-pog'onada finish qilgan. O'tish o'yinlarida "Bayer" "Olimpiakos" to'sig'idan muvaffaqiyatli o'tgandi.