Foden Rodrigoga murojaat qildi

 11 MART, 2026, 12:42

«Manchester Siti» yarim himoyachisi Fil Foden «Real» hujumchisi Rodrigoga murojaat qildi.

«Qaymoqranglilar»ning braziliyalik futbolchisi tizzasidagi xochsimon bog'lamlari uzilgani sababli mavsum yakuniga qadar safdan chiqqan edi. Yaqinda forvard muvaffaqiyatli operatsiya qilingani ma'lum bo'ldi.

«Senga tezroq sog'ayib ketishingni tilayman, birodar», – deya Foden «Real» yulduzining ijtimoiy tarmoqlardagi postiga izoh qoldirdi.

Bugun jamoalar Chempionlar ligasi 1/8 finalining dastlabki bahsida «Santyago Bernabeu» stadionida to'qnash keladilar. Aynan Rodrigo jamoalarning dekabr oyida umumiy bosqich doirasida bo'lib o'tgan uchrashuvida «Real»ning yagona goliga mualliflik qilgan edi – o'shanda «Manchester Siti» 2:1 hisobida g'alaba qozongan.