Bellingem alohida dastur asosida mashg'ulotlarni boshladi

 8 MART, 2026, 19:30

Jud Bellingem bir oydan ortiq vaqtdan beri «Real» lazaretida qolmoqda — angliyalik futbolchi fevral oyi boshida jarohat olgan edi. Bellingem «Real» tibbiy shtabi nazorati ostida chet ellik mutaxassis bilan maslahatlashish uchun Londonga borib keldi. Endilikda Jud klub ixtiyoriga qaytgan. The Touchline nashrining xabar berishicha, yakshanba kuni ertalab yarim himoyachi bazada o'z dasturi bo'yicha alohida mashg'ulot o'tkazgan.

Shunisi aniqki, Bellingem «Real»ning yaqin oradagi o'yinlarini o'tkazib yuboradi. Biz futbolchining holati haqidagi yangiliklarni kuzatishda davom etamiz.

Chorshanba kuni, 11 martda «Real» o'z maydonida Chempionlar ligasi 1/8 finali doirasida «Manchester Siti»ga qarshi bahs olib boradi.