Reshford «Barselona»da qoladimi? «Manchester Yunayted» kutilmagan almashinuvga tayyor

 8 MART, 2026, 15:06

«Manchester Yunayted» o'z tarkibini kuchaytirish rejalarini tuzmoqda. Transfer News Live nashrining Ispaniyaning Sport nashriga tayanib xabar berishicha, «qizil iblislar» «Barselona»ning chap qanot himoyachisi Alexandro Baldega qiziqish bildirmoqda.

Mankunianliklar 22 yoshli Balde uchun 40 million evro taklif qilishga tayyor. Bundan tashqari, Angliya premer-ligasi grandi to'g'ridan-to'g'ri almashinuvni amalga oshirishga ham rozi: Balde Markus Reshford o'rniga. Hozirda Reshford ijara asosida «Barselona» sharafini himoya qilmoqda. Kataloniyaliklar hujumchini doimiy asosda saqlab qolmoqchi.

«Manchester Yunayted» ayni damda Premer-ligada uchinchi o'rinni egallab turibdi, «Barselona» esa La Ligada peshqadamlik qilmoqda.