Gasperini «Roma»dagi jiddiy yo'qotishlar haqida xabar berdi

 8 MART, 2026, 14:36

«Roma» bosh murabbiyi Jan Pero Gasperini A Seriyaning 28-turidan o'rin olgan «Jenoa»ga qarshi o'yin oldidan o'tkazilgan matbuot anjumanida ishtirok etdi. Uchrashuv 8 mart kuni bo'lib o'tadi va Toshkent vaqti bilan soat 22:00 da boshlanadi.

Anjumanda, jumladan, jarohatlangan futbolchilar haqida ham so'z bordi.

«Dovbik bir necha oyga safdan chiqdi va u jarrohlik amaliyotini o'tkazdi. Agar hammasi yaxshi ketsa, u aprel oxiri yoki may oyi boshida maydonga qaytishi mumkin. Xuddi shunday vaziyat Fergyusonda ham kuzatilmoqda — uning to'pig'ida operatsiya o'tkaziladi. Uning uchun hatto mavsum yakunida ham tiklanishga vaqt qolmaydi. Boshqalarga kelsak, holatimiz nazorat ostida. Bizda avvalgidek o'yin namoyish etish uchun etarlicha futbolchilar mavjud», — dedi murabbiy klub saytiga bergan intervyusida.

Ayni damda «Roma» 51 ochko bilan to'rtinchi o'rinda bormoqda, «Jenoa» esa 27 ochko bilan turnir jadvalining 15-pog'onasini egallab turibdi.