«Manchester Siti» yulduzi jamoani tark etishga yaqin

 8 MART, 2026, 11:54

Kelgusi yozda «Manchester Siti» tarkibini jamoaning yulduz futbolchilaridan biri tark etishi mumkin. Kutilishicha, yarim himoyachi Bernardu Silva mavsum yakunlanganidan so'ng klubdan ketadi va erkin agent maqomini oladi. Bu haqda ijtimoiy tarmoqlarda jurnalist Matteo Moretto xabar qoldirdi.

Jurnalistning ta'kidlashicha, Silva va «Manchester Siti» o'rtasida shartnomani uzaytirish bo'yicha muzokaralar hanuzgacha boshlanmagan.

Bernardu Silva 2017 yilning iyul oyidan beri «Manchester Siti» sharafini himoya qilib kelmoqda. O'tgan vaqt mobaynida portugaliyalik futbolchi 445 ta rasmiy uchrashuvda maydonga tushib, o'z hisobiga 75 ta gol va 77 ta golli uzatmani yozdirib qo'ygan.