«Manchester Yunayted» «Chelsi»ning braziliyalik iqtidorini ko'zlamoqda

 6 MART, 2026, 23:06

Angliyaning «Manchester Yunayted» klubi «Chelsi»ning 21 yoshli braziliyalik yarim himoyachisi Andrey Santosning harakatlarini diqqat bilan kuzatib bormoqda. Bu haqda taniqli futbol insayderi Ben Jeykobs xabar berdi.

Jurnalistning qayd etishicha, mankunianliklar Santosning imkoniyatlarini yuqori baholashmoqda. Ushbu transfer kelayotgan yozgi transfer oynasida amalga oshishi mumkin.

Andrey Santos 2023 yildan buyon «Chelsi»ga tegishli bo'lib, u shu vaqtga qadar «Nottingem Forest» va «Strasbur» klublarida ijara asosida to'p surgan. Ushbu mavsumda u London klubi safida barcha turnirlarda 29 ta o'yinda maydonga tushib, 1 ta golli uzatmani amalga oshirdi.