Gvardiola "Nyukasl" bilan o'yin vaqtidan mamnun: "Bu biz uchun katta ustunlik"

 6 MART, 2026, 21:24

«Manchester Siti» bosh murabbiyi Xosep Gvardiola Angliya Kubogidagi o'yinlar jadvaliga baho berdi. Shanba kuni ushbu turnirning 1/8 finali doirasida «Nyukasl»ga qarshi bo'lib o'tadigan bahs mahalliy vaqt bilan soat 20:00 da (Toshkent vaqti bilan 8 martga o'tar kechasi 01:00 da) boshlanadi.

«Bizda ustunlik bor. Agar o'yinimiz soat 15:00 ga belgilanganda edi, biz bugun yo'lga chiqishimizga to'g'ri kelardi. Ammo o'yin 20:00 da boshlanishi sababli, biz ertaga yo'lga chiqishimiz mumkin. Uchrashuv oldidan tiklanish osonroq kechadi», — dedi Gvardiola juma kungi matbuot anjumanida.