"Siti" va "Nyukasl" qarama-qarshiligi: Mavsumdagi 5-o'yin oldidan Pepning fikrlari

 6 MART, 2026, 21:00

Shanba kuni «Nyukasl» va «Manchester Siti» Angliya Kubogi doirasida joriy mavsumdagi beshinchi o'zaro o'yinlarini o'tkazishadi. «Shaharliklar» bosh murabbiyi Xosep Gvardiola raqib haqida o'z fikrlarini bildirdi.

«Mavsumda «Nyukasl»ga qarshi beshinchi o'yin? Men hech qanday kutilmagan sovg'alar kutayotganim yo'q.

Xau bilan munosabatlar? Ular juda yaxshi. Biz hech qachon birga kechki ovqat tanovul qilmaganmiz, lekin munosabatlarimiz ijobiy. Oxir-oqibat, biz raqiblarmiz. Bir-birimizga qarshi o'ynashimiz kerak, ammo o'yindan oldin va keyin hammasi butunlay boshqacha», — dedi Gvardiola matbuot anjumanida.

Joriy APL mavsumida «Nyukasl» va «Manchester Siti» o'z uylarida bir xil — 2:1 hisobida g'alaba qozonib, ochkolarni bo'lishib olishdi. Liga Kubogi yarim finalida esa «shaharliklar» ikki bor ustun kelishdi: safarda 2:0 va o'z maydonida 3:1.

Mavsumdagi o'zaro o'yinlar statistikasi: Turnir Mezbon Hisob Mehmon APL «Manchester Siti» 2:1 «Nyukasl» APL «Nyukasl» 2:1 «Manchester Siti» Liga Kubogi (1/2) «Nyukasl» 0:2 «Manchester Siti» Liga Kubogi (1/2) «Manchester Siti» 3:1 «Nyukasl»