"Manchester Yunayted" Xyoylund va Reshfordning sotuvidan qancha ishlab olmoqchi ekanligi ma'lum

 6 MART, 2026, 08:42

Hujumchi Rasmus Xyoylund va vinger Markus Reshford, katta ehtimol bilan, kelayotgan yozda "Manchester Yunayted"ni uzil-kesil tark etadi.

Har ikki futbolchi boshqa jamoalarda ijara asosida to'p surishmoqda: daniyalik futbolchi — "Napoli"da, ingliz futbolchisi esa — "Barselona"da. Insayder Fabritsio Romanoning ma'lumotlariga ko'ra, "qizil iblislar" rahbariyati bo'lajak transfer oynasida Xyoylund va Reshfordning sotuvidan taxminan 80 million evro ishlab olishni rejalashtirmoqda.

"Napoli" 23 yoshli hujumchi uchun allaqachon 6 million evro to'lagan va kutilishicha, uni 44 million evroga sotib olish huquqini faollashtiradi. 28 yoshli Reshfordga kelsak, "MYu" uning sotuvidan 30 million evro olishni ko'zlamoqda — "Barselona" bilan muzokaralar davom etmoqda.