Skoulz «Manchester Yunayted» uchun ideal murabbiyni tanladi

 3 MART, 2026, 23:24

«Manchester Yunayted»ning sobiq futbolchisi Pol Skoulz jamoani kim boshqarishi kerakligi haqida o'z fikrlarini bildirdi.

«Manchester Yunayted» uchun ideal variant — bu Karlo Anchelotti. U hozirda Braziliya terma jamoasini boshqarayotganini bilaman, lekin u «Manchester Yunayted» uchun juda mos tushgan bo'lardi. U o'yinchilarni xuddi million dollarga loyiqdek his qildiradi, yirik sovrinlarni yutish borasida ulkan tajriba beradi. Biroq u bu ish uchun ancha qari emasmi? Faqat shu shubha uyg'otishi mumkin. Bizga o'ziga ishongan, haqiqiy etakchi kerak», — dedi Skoulz The Good, The Bad & The Football nashriga bergan intervyusida.

Ayni damda «Manchester Yunayted» APL turnir jadvalida 28 turdan so'ng 51 ochko jamg'arib, uchinchi o'rinni egallab turibdi.