"Xetafe" himoyachisi hakamlikdan norozi bo'ldi

 3 MART, 2026, 20:30

"Xetafe" himoyachisi Diego Riko "Real Madrid"ga qarshi o'yinda (1:0) hakamlikdan norozi bo'ldi.

Futbolchining fikricha, Antonio Ryudiger birinchi bo'limda tizzasi bilan uning yuziga ataylab tepgani uchun jazolanishi kerak edi.

Hakam bu voqeada kartochka bermadi va VAR ham aralashmadi. Football Espana nashrining xabar berishicha, Rikoning so'zlariga ko'ra, agar u "Real Madrid" futbolchisiga qarshi xuddi shunday qoidabuzarlik qilganida, u uzoq muddatli diskvalifikatsiyaga uchragan bo'lar edi.