"Red Bull" rahbariyati Kloppning ishidan norozi

 3 MART, 2026, 16:06

"Liverpul" klubining sobiq bosh murabbiyi Yurgen Klopp "Red Bull" futbol yo'nalishi rahbari lavozimini tark etishi mumkin. Bu haqda Frantsiyaning L'Équipe gazetasi xabar bermoqda.

Manbaning ma'lumotiga ko'ra, tizimda germaniyalik mutaxassisning faoliyatidan norozi bo'lishmoqda. U qabul qilgan ayrim qarorlari uchun tanqid qilingan. Ta'kidlanishicha, joriy mavsum yakunlanganidan so'ng Kloppning o'rnini "Kristal Pelas"ning amaldagi bosh murabbiyi Oliver Glasner egallashi mumkin.

Eslatib o'tamiz, Klopp 2024 yilning yozida "Liverpul" ustozi lavozimidan ketgan edi. Mutaxassis 2025 yilning yanvaridan buyon "Red Bull" tizimida ishlab kelmoqda.

Aytib o'tish joizki, avvalroq 58 yoshli murabbiyga Madridning "Real" klubi qiziqish bildirgan edi.