"Manchester Siti" ham Abduqodir Husanovni tabrikladi

 1 MART, 2026, 22:54

"Manchester Siti" ijtimoiy tarmoqlarda yangi post qoldirdi. Angliyaning top-klubi himoyachi Abduqodir Husanovni tug'ilgan kuni bilan tabrikladi. U 2004 yilning 29 fevralida tug'ilgan, biroq joriy yil kabisa yili bo'lmagani sababli taqvimda bu sana mavjud emas. Shu bois, Husanov tug'ilgan kunini 1 mart kuni nishonlamoqda.

"Abduqodir Husanovni tug'ilgan kuni bilan tabriklaymiz!" — deyiladi "shaharliklar"ning postida.

Ko'p o'tmay, "Manchester Siti" Husanovning mashg'ulotlardan bir nechta suratini namoyish etdi va unga "Tug'ilgan kun sohibi!" deb izoh qoldirdi.

Abduqodir Husanov 2025 yilning yanvarida "Manchester Siti" tarkibiga kelib qo'shilgan edi. O'shandan beri futbolchi 33 ta o'yinda maydonga tushdi va bitta gol urdi.