"MYu" moliyaviy manfaat evaziga Meyson Mauntni sotib yuborishga tayyor

 1 MART, 2026, 12:30

Yarim himoyachi Meyson Maunt yozda "Manchester Yunayted"ni tark etishi mumkin.

"Football Insider" nashri bergan ma'lumotlarga ko'ra, "qizil iblislar" 27 yoshli futbolchini yozgi transfer oynasida sotib yuborishlari mumkin. Agar klubga moliyaviy jihatdan manfaatli taklif tushsa, "MYu" o'yinchining transferi bo'yicha variantlarni ko'rib chiqishga tayyor.

Meyson Maunt 2023 yilda "Chelsi"dan "Manchester Yunayted"ga 67 million evro evaziga o'tgan edi. Uning "qizil iblislar" bilan shartnomasi 2028 yilning 30 iyuniga qadar mo'ljallangan. Joriy mavsumda yarim himoyachi "MYu" safida barcha turnirlarda 19 ta o'yin o'tkazib, 3 ta gol urdi va bitta golli uzatmani amalga oshirdi.