"Borussiya" oxirgi 7 yildagi eng yaxshi mavsumini o'tkazmoqda

 28 FEVRAL, 2026, 15:30

Dortmundning "Borussiya" jamoasi Germaniya Bundesligasining joriy mavsumida o'z natijalari bilan barchani hayratda qoldirmoqda.

23 turdan so'ng "arilar" 52 ochko jamg'argan holda Germaniya chempionati turnir jadvalida ikkinchi o'rinda borishmoqda. Bu klub uchun oxirgi etti mavsumdagi eng yaxshi ko'rsatkichdir.

Shanba kuni, 28 fevral kuni "Borussiya" Bundesliganing 24-turi doirasida o'z maydonida "Bavariya"ni qabul qiladi. Uchrashuv Toshkent vaqti bilan 22:30da boshlanishi rejalashtirilgan.

Ta'kidlash joizki, ushbu bahs oldidan "Borussiya" peshqadam "Bavariya"dan sakkiz ochko orqada qolmoqda.