Boks. Aleksandr Usik nima uchun Riko Verxovenni raqib sifatida tanlaganini tushuntirdi

 28 FEVRAL, 2026, 11:36

Og'ir vazn toifasida WBC, WBA va IBF chempioni Aleksandr Usik (24-0, 15 KO) niderlandiyalik kikbokschi Riko Verxoven bilan jang qilish uchun shartnoma imzolashga nima sabab bo'lganini gapirib berdi.

"O'z sportida cho'qqiga chiqqan insonlarni chin dildan hurmat qilaman. Riko — ana shundaylardan biri, kuchli atlet va buyuk chempion.

Chempion bo'lish — bu faqat kamarlar haqida emas. Bu yillar davomidagi og'ir mehnat, intizom va ishonch demakdir. Men uning bosib o'tgan yo'lini hurmat qilaman — u kikboksingning haqiqiy qiroli. Ammo bu boks — o'z qoidalari va o'z qirollariga ega bo'lgan boshqa o'yin.

Men tayyorman va u bilan ringda uchrashishni intiqlik bilan kutyapman. Bu ikkalamiz uchun ham noyob tajriba bo'ladi va bilamanki, muxlislar ham hayajonda. Buyuk oqshom yaqinlashmoqda", — dedi Usik.

Eslatib o'tamiz, ushbu to'qnashuv 23 may kuni Misrning Giza shahrida bo'lib o'tadi.