Jerar Martin Paolo Maldinidan dastxat tushirilgan futbolka qabul qilib oldi (foto)
28 FEVRAL, 2026, 05:42
«Barselona» himoyachisi, kataloniyaliklar klubida «Jerar Maldini» laqabini olgan Jerar Martin ijtimoiy tarmoqdagi sahifasida Italiya terma jamoasi sobiq himoyachisi Paolo Maldini dastxati tushirilgan futbolka suratini joylashtirdi.
«Jerarga eng ezgu tilaklar bilan, tug'ilgan kuning muborak bo'lsin va faoliyatingda omad tilayman. Mehr bilan, Paolo Maldini», — deb yozilgan futbolka ustiga.
24 yoshli ispaniyalik futbolchi joriy mavsumda «Barselona»ning asosiy tarkibidan mustahkam o'rin egalladi. U barcha turnirlarda jami 35 ta o'yinda maydonga tushdi.
