Yulduz hujumchi tekinga "Barsa"ga o'tmoqchi

 27 FEVRAL, 2026, 23:30

Hujumchi Dushan Vlaxovichning kelajagi borasidagi vaziyatda keskin o'zgarishlar kuzatilmayapti. Transfer News Live nashrining TEAMtalk'ga tayanib xabar berishicha, 26 yoshli serbiyalik futbolchi uchun "Barselona"ga o'tish asosiy maqsad bo'lib qolmoqda.

Qayd etilishicha, Vlaxovichning "Yuventus" bilan yangi shartnoma bo'yicha muzokaralari bir necha bor boshi berk ko'chaga kirib qolgan bo'lsa-da, futbolchi va uning agenti klub bilan ijobiy munosabatlarni saqlab qolishgan.

"Barselona" Dushan Vlaxovich bilan kelayotgan yozda, u erkin agentga aylanganidan so'ng shartnoma imzolashi mumkin.

Dushan Vlaxovich "Yuventus" safida jami 162 ta rasmiy o'yin o'tkazib, o'z hisobiga 64 ta gol va 16 ta golli uzatmani yozdirib qo'ygan.