Dyubua Usikdan uchragan mag'lubiyati unga qanday ta'sir qilganini aytib berdi

 27 FEVRAL, 2026, 17:18

Super og'ir vazn toifasidagi Britaniyalik bokschi, sobiq jahon chempioni Daniel Dyubua ukrainalik chempion Aleksandr Usikdan uchragan mag'lubiyati unga qanday ta'sir qilgani haqida gapirdi. Bokschining so'zlaridan talkSPORT Boxing iqtibos keltirmoqda.

— Usikdan uchragan mag'lubiyatni qanday qabul qilasiz? Jangchi sifatida bunga yopishib qolmaslikka qanday erishasiz?

— Men bunga yopishib qolganim yo'q. Bu o'tmishda qoldi. Men bunga hatto unday nazar bilan qaramayman ham. Bu — o'tmish. Endi men Uordli bilan jang qilmoqchiman.

Eslatib o'tamiz, Usik va Dyubua o'rtasidagi ikkinchi jang 2025 yilning iyul oyida bo'lib o'tgan edi. O'shanda ukrainalik sportchi raqibini 5-raundda nokautga uchratib, g'alaba qozongan edi.