Topuriya: “Hech qachon Habibning muxlisi bo'lmaganman”

 27 FEVRAL, 2026, 16:36

UFC engil vazn toifasi chempioni Iliya Topuriya strimer Edin Rossning YouTube kanalidagi efir vaqtida sobiq chempion Habib Nurmagomedov haqida gapirib, rossiyalik sportchining uslubi zerikarli bo'lganini ta'kidladi.

“Habib o'zining oxirgi ikki jangigacha tomosha qilish zavq bag'ishlaydigan jangchi bo'lmagan. Uni kuzatishdagi yagona qiziqarli jihat — uning mag'lubiyatsiz ekanligi edi. Kimdir uni mag'lub etishi mumkinligi haqidagi fikr intrigani ushlab turardi. Ammo haqiqat shuki, men hech qachon uning jang uslubi muxlisi bo'lmaganman. Hech qachon”, dedi Topuriya.

Avvalroq, Oq uydagi UFC turnirida Iliya Topuriya engil vazn chempionlik kamari uchun asosiy da'vogar — Jastin Getjiga qarshi oktagonga ko'tarilishi mumkinligi haqida xabar berilgan edi.