"Real" "Manchester Siti"dan Rodrini sotib olish uchun byudjet ajratdi

 27 FEVRAL, 2026, 15:54

Madridning "Real" klubi hali ham "Manchester Siti" futbolchisi Rodrini o'z safiga qo'shib olishga qiziqish bildirmoqda. Transfer kelayotgan yozda amalga oshishi mumkin.

Insayder Ramon Alvaresning ta'kidlashicha, "Real" "shaharliklar" yarim himoyachisining transferi uchun maxsus byudjet ajratgan. "Qaymoqranglilar" Rodri uchun 50 million evro to'lashga tayyor.

Qayd etilishicha, agar futbolchining sog'lig'ida muammolar bo'lmasa, "Real" "Siti" etakchisi bo'yicha rasmiy taklif bilan chiqadi. Eslatib o'tamiz, avvalroq Rodri jarohati sababli taxminan yarim yilni o'tkazib yuborgan edi.