Deku «Barselona»dagi prezidentlik saylovlarida o'z pozitsiyasini ma'lum qildi

 27 FEVRAL, 2026, 12:00

«Barselona» sport direktori Deku bo'lajak prezidentlik saylovlari oldidan Joan Laporta nomzodini qo'llab-quvvatlashini ma'lum qildi.

«Men Laporta loyihasida ishtirok etyapman, chunki unga ishonaman. Agar hammasi muvaffaqiyatli kechsa, men qolaman va ishimni davom ettiraman. Biroq eng muhimi men emas, balki futbolchilar va klubdir. Laporta men shu erda to'p surgan shonli davrlarda ham „Barsa“ prezidenti bo'lgan. Men klubimiz uchun eng yaxshisi deb hisoblagan nomzodni qo'llab-quvvatlayman», — deya Dekuning intervyusidan iqtibos keltirmoqda Barca Universal.

«Barselona» rahbarligi uchun saylovlar 15 mart kuni bo'lib o'tadi. Joan Laporta 2021 yil bahoridan beri ushbu lavozimni egallab kelmoqda, Deku esa o'sha yilning kuzida klubda ish boshlagan edi.