Vitor Pereyra: «1/8 finalda kuchsiz jamoalar bo'lmaydi»

 27 FEVRAL, 2026, 11:36

«Nottingem Forest» bosh murabbiyi Vitor Pereyra Evropa Ligasi pley-off bosqichi javob o'yinida «Fenerbaxche»dan qabul qilingan mag'lubiyat (1:2) haqida o'z fikrlarini bildirdi.

"Fenerbaxche“ birinchi golni urganida, bizda ishonch biroz yo'qoldi. Ikkinchi bo'lim boshidagi penaltidan so'ng esa o'z darajamizda o'ynay boshladik — to'pni nazorat qildik va yuqori tezlikda vaziyatlar yaratdik. Umid qilamanki, 1/8 finalda bizga kuchli raqib tushadi. Bu bosqichda kuchsiz jamoaning o'zi yo'q. Biz munosib tayyorgarlik ko'rishimiz va oldinga harakat qilishimiz kerak", — deya Pereyraning so'zlaridan iqtibos keltirmoqda UEFA matbuot xizmati.

Eslatib o'tamiz, «Nottingem Forest» dastlabki bahsda 3:0 hisobida g'alaba qozongani sababli Evropa Ligasining 1/8 finaliga yo'l oldi. U erda jamoa «Betis» yoki «Midtyulland»ga qarshi maydonga tushadi. Qur'a tashlash marosimi juma kuni, 27 fevralda bo'lib o'tadi.